Мінздароўя і санэпідслужба ўзмацнілі кантроль за ўпарадкаванасцю
У Беларусі пачалі жорстка сачыць за санітарным станам тэрыторый. Мінздароўя і санэпідслужба ўзмацнілі кантроль за ўпарадкаванасцю. І калі раней за смецце маглі проста зрабіць заўвагу, то зараз — выпісваюць штрафы.
Вось завошта можна атрымаць кару:
Перапоўненыя кантэйнеры і смецце поруч з імі.
Нябытнасць накрывак на смеццевых баках.
Няўчасны вываз адкідаў.
Складаванне смецця ў неналежных месцах (нават старыя галіны).
Загрувашчанне прысядзібных тэрыторый.
Дарэчы, калі вы ў прыватнай хаце не косіце травы ці не прыбіраеце будаўнічага смецця — гэта таксама могуць зафіксаваць як парушэнне.
Колькі давядзецца заплаціць? Штрафы немаленькія. Для звычайных грамадзянаў — да 1350 рублёў (30 базавых велічынь), для ІП — да 9 000 рублёў (200 базавых велічынь), а для юрыдычных асоб — да 22 500 рублёў (500 базавых велічынь). Асабліва калі парушэнні паўтараюцца ці іх у час не выпраўляюць.
Што кажуць лічбы? З пачатку года санслужба правяла ўжо больш за 164 тысячы праверак. Парушэнні знайшлі на шточацвёртай тэрыторыі! За першыя тры месяцы 2026 года выпісана ўжо больш за 1100 штрафаў. Усяго ж дзякуючы праверкам атрымалася ліквідаваць больш 200 сметнішчаў і навесці парадак на 30 тысячах пляцовак.